Meclisa Yekîtiya Mamosteyên Cizîrê civîna xwe ya mehane ya yekem lidarxist
Roja 24.9.2022 yekemîn civîna mehane ya meclisa Yekîtiya Mamostayên Cizîrê li bajarê Qamişlo hate lidarxistin.
Bi amadebûna hevserokên a Yekîtiya Mamosteyên Bakur û Rojhilatê Sûriyê M. Nesrîn Rešik û M. Casim El-Ebdullah Civînê bi deqeyek rêzgirtinê ser giyanê şehîdan dest pê kir .
piştre Ofîsên yekîtiyê li Cizîre dest bi xwendina raporên mehane kirin û gotûbêj kirin.
Herwiha pirsgirêkên endamê yekîtiyê di warê jiyanî, aborî û perwerdê de hatin niqaşkirin, ku ya herî girîng jî zêdekirina mûçeyane û derbaskirina kêmasiyên pirtûkên xwendinê bû ku di sala borî de derketibû holê, Herwiha nebûna pêdiviyên xwendinê yên wekî pênûs, ava vexwarinê û nebûna veguhestina mamostayan û pêwîstiya gotûbêjkirina van xalên girîng bi rayedarên pêwendîdar re.
M. Casim El-Ebdullah piştî xwendina raporan rewşa siyasî ya herêmê bi taybetî û herêmên Bakur û Rojhilatê Sûriyê bi giştî nirxand, Perspektîvên Tevgera Civaka Demokratîk TEV_DEM jî xwend û M. Nisrîn Reşak jî bal kişand ser rola nûnerên yekîtiyê di dibistanan de di qonaxa niha de û derbaskirina zehmetiyên ku rê li ber karê wan di nava dibistanan de digre.
